என் காதல் கவிதைகள்....!
உன் தோழியின் கல்யாணவீட்டில்
தாலிகட்ட உதவிசெய்த
உன்னைப் பார்த்தபின் தான்
எனக்கும் ஆசை வந்தது
தாலிகட்டி கல்யாணம் செய்ய....
******
உன்னோடு கூடவர ஆசையின்றி
விழுந்த உன் கொலுசுதான்
உன்னோடு கூடவர என் ஆசையை
வளர்த்தது....
******
நான் முதல்த் தடவை
பயணித்த விமானத்தில்த்தான்
உன் நினைவுகளை தரையிறக்கிவிட்டு
முதன் முதல் உன்னை கனவு
காண ஆரம்பித்தேன்....
******
வருசையில் நின்று வாங்கப் போன
மருந்துக்கடையில் தான்
வாங்கி வந்தேன் மருந்தே இல்லாத
காதல் நோயை....
*****
உன்னை பலமுறை சந்தித்த போதும்
என்னால் உன் மெளனத்தை கலைக்க
முடியாமல்ப் போன போதுதான்
எனக்கு உதவிசெய்து உறுதிப்படுத்தியது
உன் கைபேசி நீ ஊமையானவள்
அல்ல என்று....
*****
தன் பெயரை பிழையாக
எழுதிக் கொண்டிருந்த சிறுமியிடம்
அழகாய் எழுத கற்றுக் கொடுத்தேன்
என் காதலியின் பெயரும்
அது என்பதால்....
*****************************************
*******************************
*********************
***********
****
*
-யாழ்_அகத்தியன்
|
