பகல் “நிலா” - குழந்தைதான் காதல்.....!

* என் காதல் மனைவி நிலாவின் கண்களுக்கான என் கவிதைகள் இவை* -யாழ்_அகத்தியன்


	பகல் “நிலா”

கவிதைகள்


	குழந்தைதான் காதல்.....!

குழந்தைதான் காதல்.....!

[padikathavan-photo-025.jpg]

[padikathavan-photo-025.jpg]

காதல் ஒரு குழந்தைதான்
ஆனால் அதை காதலி மட்டும்
சுமப்பதில்லை

இருவரும் சுமப்பது....

************

காதல் ஒரு குழந்தைதான்
ஆனால் அதால் அழமட்டுமல்ல
பேசாமல் அழவும்
தெரியும்.........

************

காதல் ஒரு குழந்தைதான்
ஆசைப்பட்டால் அது
கிடைக்கும்வரை அழும்.....

************

காதல் ஒரு குழந்தைதான்
எதைக் கொடுத்தாலும்
உடைத்துப் பார்க்கும்....

************

காதல் ஒரு குழந்தைதான்
சிரிக்கவும் அழவும்தான்
தெரியும்........

************

காதல் ஒரு குழந்தைதான்
வேண்டும் என்றாலும் அழும்
வேண்டாம் என்றாலும்
அழும்......

***********

காதல் ஒரு குழந்தைதான்
எல்லாராலும் தூக்க முடியும்

எல்லாரலும் அழுவதை
நிறுத்த முடியாது....

************

காதல் ஒரு குழந்தைதான்

ஆனாலும் அதை யாராலும்
எறியவும் முடியாது

அதை யாரலும்
அனாதையாக்கவும்
முடியாது

அதற்கு பெற்றொர்களே
கிடையாது

ஆம்
யாரின் உதவியும் இன்றி
யாரின் உறவும் இன்றி
பிறப்பது இந்தக் காதல்
குழந்தை மட்டும்தான்......

**********************************
************************
***************
*****
**
*

-யாழ்_அகத்தியன்

Today, there have been 12 visitorson this page! பகல் "நிலா"

யாழ்_அகத்தியன்

என் சிந்தனையில் பூத்தவைகள்...!

**உனக்கு நண்பன் இருக்கிறானோ இல்லையோ உனக்கு எதிரி இருக்க வேண்டும் ஏனெனில் உன்னிடம் அணைக்கும் சக்தியைவிட உன்னிடம் எதிர்க்கும் சக்தியையே நான் அதிகம் எதிர்பார்க்கிறேன்**

**உன் உருவத்தை உனக்கே காட்டிக்கொடுப்பது கண்ணாடி உன் உள்ளத்தை மற்றவர்களுக்கு காட்டிக்கொடுப்பது உன் பேச்சு**

**தோல்வியென்னும் படியால் ஏறித்தான் வெற்றியென்னும் பரிசை பெறமுடிகிறது**

**விழுந்தால் மண்ணோடு மண்ணாக நீ இன்னும் சாகவில்லை மறந்துவிடாதே… இன்னும் நீ உயிர் உள்ள விதை என்பதை**

**உன் பேனாவைக் கூட மூடிவைக்காதே அதை திறக்கும் வினாடிகளில் கூட நீ எழுத நினைத்ததை மறந்துவிடக் கூடும்**

இப்படிக்கு நான்...!

**என் கண்கள் காட்டிக் கொடுத்த உண்மைகளை விட என் காதுகள் கேட்ட பொய்களே அதிகம்**

**நான் எதையும் இழக்கத் தயார் இழப்பதைவிட பெறுவது பெறுமதி வாய்ந்ததாக இருக்குமானால்.**

**என் இறந்த காலம் என்ற கண்ணாடியே நிகழ்காலத்தில் நான் தடுமாறாமல் நடக்க உதவி செய்கிறது**

**அழகை பார்த்தே முதல் காதல் வருகிறது அழகிடம் தோற்றுப்போயே உண்மைக் காதல் வருகிறது**

**என்னை விட என்னைக் காதலிப்பவளைத்தான் கல்யாணம் செய்ய விரும்புகிறேன் ஆனால் அதற்கு அவளைவிட அவள் காதல் மேல் எனக்கு நம்பிக்கை வர வேண்டும்**

**கட்டாயத்தில் வருவதல்ல காதல் கட்டாயங்களை மீறி வருவதே காதல்**

**என்னை விட என்னைக் காதலிப்பவளைத்தான் கல்யாணம் செய்ய விரும்புகிறேன் ஆனால் அதற்கு அவளைவிட அவள் காதல் மேல் எனக்கு நம்பிக்கை வர வேண்டும்**

**யாரைக் காதலிக்கிறாயோ அவளை ஆழமாய் காதல் செய் அதுவே அவள் பிரிந்து சென்றால் அவளுக்கான மிகப் பெரிய தண்டனை**

**உனது முடிவு என்பது முடிவெடுத்தபின் உன்னை கவலைப்பட வைக்காததா இருக்க வேண்டும்**

**இறைவனுக்கு தெரிந்த என் எதிர்காலம் எனக்கு தெரிந்தால் சில வேளைகளில் என் நிகழ்காலத்தையே நான் வெறுக்ககூடும்.**

**வாழும்வரை நிழல் தருவேன் இறந்தால் என் காதல் துணைவியே என்னை விறகாக்கி உன் பசி தீர்ப்பேன்**

பகல் நிலா........!

**உனக்காக காத்திருந்து என் உயிர் பிரியுமென்றால் அதைவிட வேறன்ன வேண்டும் சொல்லன்பே நான் விட்டமூச்சுக்கும் நான் விடும்மூச்சுகுமான சுவாசமே நீதானே..**

**நீ ஏற்றிய விளக்குகளில் எல்லாரும் குளிர் காய்கிறார்கள் நான் மட்டும் உன் இருவிழிப்பார்வையால் எரிந்து கொண்டிருக்கிறேன்**

**உன்னைக் காதலிக்கவும் வேறு யாரையும் காதலிக்காமலும் இருக்க கற்றுத் தந்த என் காதல் ஆசிரியை நீ**

**ஆயிரம் சொன்னாலும் உலகம் அன்பே உனை சேர அகிலமே எதிர்த்தாலும் கோழையாய் நான் முலையில் படுத்துறங்கமாட்டேன் எதிர்ப்பு இல்லாத வாழ்க்கை வேண்டாம் எனக்காய் நீயும் ஓடி வரவேண்டாம் விழுப்புண் அடைந்தாலும் வேங்கை நான் உன்னைக் கேக்க வாசல் வருவேன்**

**நீ வரும்வரை என்னை எவரும் கவனிப்பதில்லை உன்னோடு இருக்கையில் கவனிக்காததென்று எதுவும் இல்லை அதற்காகவாவது உன்னோடு கூட வரலாம் நான்**

**எனக்குச் சம்மதமே நீ மாலையாய் இருப்பின் அதில் நான் மலராய் இருக்க மட்டுமல்ல நீ பாலையாய் இருப்பின் அதில் நான் மணலாய்க் கிடக்கவும்**

CODE GEOCOUNTER

artificial-intelligence

artificial-intelligence

* என் காதல் மனைவி நிலாவின் கண்களுக்கான என் கவிதைகள் இவை* -யாழ்_அகத்தியன் This website was created for free with Own-Free-Website.com. Would you also like to have your own website?

Sign up for free